Емилијано Мартинез нов голман на Астон Вила

Емилијано Мартинез е нов голман на Астон Вила, откако денеска беше и официјално презентиран. Тој доаѓа од екипата на Арсенал, откако во последните два настапи освои две титули со тимот, ФА Куп и Комјунити Шилд.

Тренерот на Астон Вила, Дин Смит, имаше само пофални зборови за 28-годишниот аргентински репрезентативец.

Навистина сме задоволни што го доведовме во нашиот тим. Знаеме колку високо беше ценет во Арсенал и ги гледавме неговите фантастични настапи претходната сезона кога освои два трофеја. Многу е ретко да се најде голман со високи квалитети а кој се уште е во своите најдобри години. Тој ќе биде клучен играч во нашата екипа, рече Смит на пресконференцијата во клубот.

Мартинез со Вила потпиша 4-годишен договор вреден близу 18 милиони евра.

Сподели

Можеби ќе ве интересира