Селекторот на Македонија го објави списокот: 5 ракометарки на ЖРК Куманово за двомечот со Романија

Селекторот на Женската ракометна репрезентација, Симе Симовски го објави конечниот список од 20 ракометарки кои ќе му бидат на располагање за бараж двомечот против Романија, кој може да обезбеди учество на СП оваа година во Шпанија.

Помеѓу нив, се најдоа дури 5 ракометарки од составот на ЖРК Куманово:

Марија Јовановска
Ангела Јанкуловска
Александра Боризовска
Јована Кипријановска
Тамара Ивановска

Ова не е изненадување бидејќи Куманово бележи одлични резултати и во својот тим има таленти кои претендираат за двојната круна во Македонија.

Романија е искусен и квалитетен противник кој важи за апсолутен фаворит. Првиот натпревар, нашата селекција ќе го одигра на гостински терен во Букурешт на 17.04 (следната сабота) со почеток во 17:00 часот, додека реваншот е 4 денови подоцна на 21.04, во истиот термин во СЦ „Јане Сандански“. Собирот ќе биде во понеделник од 12:00 часот, кога ќе се започне со подготовки. Им посакуваме среќа и се надеваме дека ќе го дадат својот максимум.

Во продолжение, можете да го погледнете комплетниот тим:

Сподели

Можеби ќе ве интересира